ԼՂՀ մշակույթի եւ երիտասարդության հարցերի նախարարության նախաձեռնությամբ դեկտեմբերի 12-15-ը Ստեփանակերտում կազմակերպվեց «Արցախը եւ Հայաստանը տեղեկատվական պատերազմում, բլոգներ, սոցիալական կայքեր» թեմայով դասընթացը: Այն վարում էր Երեւանից հրավիրված` տեղեկատվական անվտանգության հարցերով փորձագետ Սամվել Մարտիրոսյանը: Ինչպես «Հետքին» հայտնեցին մշակույթի եւ երիտասարդության հարցերի նախարարությունից, դասընթացին մասնակցում էին տարբեր գերատեսչությունների, լրատվամիջոցների, հասարակական կազմակերպությունների ներկայացուցիչներ ինչպես մայրաքաղաքից, այնպես էլ հանրապետության տարբեր շրջաններից: Դասընթացին մասնակցում էին շուրջ 70 հոգի, ովքեր ծանոթացան ոչ միայն սոցիալական ցանցերին, բլոգներին, այլ նաեւ ադրբեջանցիների, թուրքերի կողմից կատարվող տեղեկատվական հարձակումների հակազդման եւ հակահարվածների միջոցներին: