Այսօր ԼՂՀ Նախագահ Բակո Սահակյանն ընդունել է Տավուշի մարզի պատվիրակությանը` մարզպետ Արմեն Ղուլարյանի գլխավորությամբ: Ինչպես հայտնում են նախագահի աշխատակազմի տեղեկատվության գլխավոր վարչությունից, հանդիպման ընթացքում քննարկվել են Տավուշի մարզի եւ ԼՂՀ շրջանների միջեւ հարաբերությունների ընդլայնմանը վերաբերող հարցեր: Երկրի ղեկավարը կարեւորել է Հայաստանի Հանրապետության մարզերի հետ փոխգործակցության շարունակական խորացումը` այն համարելով ներհայկական կապերի ամրապնդման գլխավոր գործոններց մեկը: