![13_11-swine-flu 13_11-swine-flu](https://hetq.am/wp-content/uploads/2009/12/13_11-swine-flu.jpg)
Այս պահի դրությամբ հանրապետությունում գրանցվել է H1N1-ի 107 դեպք, որից 2-ը` մահվան ելքով, այսինքն` մահացության նոր դեպքեր չեն գրանցվել: Ինչպես «Հետք»-տեղեկացրեց Առողջապահության նախարարի օգնական Շուշան Հունանյանը, բուժկանխարգելիչ հիմնարկներում այժմ բուժվում է 11 հիվանդ, իսկ 94-ը արդեն առողջացել է:
Շարունակվում է սուր շնչառական հիվանդությունների ամենօրյա մոնիտորինգը, նվազել են շտապօգնության կանչերը: Շուշան Հունանյանի խոսքերով` արդեն մեկ շաբաթ է, ինչ նախարարությունում 24-ժամյա ռեժիմով գործում է երկրորդ թեժ գիծը` նախատեսված հենց գրիպի դեպքերի համար, և զանգերը պակասել են: Նախարարի հրամանով` հատուկ ուշադրություն է դարձվում հղի կանանց. հեռավոր գյուղերում բժիշկները նրանց հենց տանն են խնամում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել