Նախօրեին` ժամը 15.00-ին, «ձախ դաստակի շրջանի ջնջխված վերքեր, 4-րդ և 5-րդ մատների ամպուտացիա» ախտորոշմամբ «Քանաքեռ-Զեյթուն» բժշկական կենտրոն է տեղափոխվել 1945 թ. ծնված Զավեն Պ.-ն: «Պարզվել է, որ վնասվածքները նա ստացել է «Հախվերդյանշինմոնտաժ» ԲԲԸ տարածքում` անհայտ տեսակի պայթուցիչի հետ անզգույշ վարվելու հետևանքով: Նշված վայրից հայտնաբերվել է պայթուցիչ գործարկման լծակ, պայթուցիչի օղակ` ապահովիչ ձողով և Զավեն Պ.-ինին պատկանող ձեռնոցը` պատառոտված ու արյան հետքերով: Հանգամանքները պարզվում են, կատարվում է հետաքննություն»,- տեղեկացնում է ոստիկանության լրատվության վարչությունը: