«Վարդաշեն» ՔԿՀ-ում գտնվող Ճանապարհային ոստիկանության նախկին պետ Մարգար Օհանյանը, «Հրապարակի» տեղեկություններով, թեեւ շատ ընկճված է, սակայն իրեն «տղամարդավարի» է պահում։ Տեսնելով, թե իր հետ առերեսման գնացած պաշտոնյաներից մեկն ինչպես է տանջվում, որ պետք է իր նախկին պետի դեմ ցուցմունք տա, ասել է՝ հանգիստ գրիր, որ ես եմ ասել, իմ հրահանգով է եղել ամեն ինչ։

Ինչ վերաբերում է քննությանը, ապա այս օրերին տնտղում են ՃՈ համակարգի ամեն ծակուծուկը։ Մասնավորապես՝ ուսումնասիրվում է նաեւ, թե ինչ հիմունքներով են աշխատանքի ընդունվել ճանապարհային ոստիկանները։

Քանի որ ժամանակին համակարգում աշխատողների քաշի եւ տեսքի հետ կապված սահմանափակումներ են մտցվել՝ իբր, որ մեծ փորով տեսուչները փողոցներում աչք չզարնեն, հայտնաբերել են մի խումբ անձանց, ում քաշը գերազանցում է սահմանափակումները, եւ դրանք ՃՈ-ում մնացել են Օհանյանի կամքով։

Այժմ քննում են սույն անձանց, որոնցից մի քանիսն արդեն գրել են, որ փող են տվել, մնացել պաշտոններում։