Տեսանյութեր
Լուսանկարներ
Է. Նալբանդյանը հանդիպել է ԱՄԷ փոխարտգործնախարար Թարեք Ալ Հեյդանին
Այսօր արտգործնախարար Էդվարդ Նալբանդյանն ընդունել է ՀՀ և ԱՄԷ արտաքին գործերի նախարարությունների միջև քաղաքական առաջին խորհրդատվություններ անցկացնելու նպատակով Հայաստան ժամանած Արաբական Միացյալ Էմիրությունների փոխարտգործնախարար Թարեք Ալ Հեյդանի գլխավորած պատվիրակությանը:
ԱԳՆ մամլո ծառայության փոխանցմամբ` ողջունելով հյուրերին` նախարար Նալբանդյանը նշել է, որ Հայաստանի եւ Էմիրությունների միջեւ համագործակցությունը դինամիկ կերպով զարգանում է, ինչի մասին են վկայում վերջերս ակտիվացած բարձր մակարդակի փոխայցելությունները, էմիրաթցի գործարարների աճող հետաքրքրությունը Հայաստանի նկատմամբ:
ԱՄԷ փոխարտգործնախարար Թարեք Ալ Հեյդանին ընդգծել է, որ իր երկիրը մտադիր է ընդլայնել համագործակցությունը բարեկամ Հայաստանի հետ եւ արդեն իսկ կոնկրետ քայլեր է ձեռնարկում այդ ուղղությամբ:
Զրուցակիցները գոհունակություն են հայտնել դեկտեմբերի 24-25-ը ՀՀ և ԱՄԷ արտաքին գործերի նախարարությունների միջև տեղի ունեցած քաղաքական առաջին խորհրդատվությունների ընթացքի վերաբերյալ` ընդգծելով դրանց կարեւորությունը երկու երկրների միջեւ համագործակցության խորացման եւ ընդլայնման գործում:
Հանդիպմանն անդրադարձ է արվել նաեւ կովկասյան եւ մերձավորարեւելյան տարածաշրջանային խնդիրներին եւ դրանց կարգավորման ուղղությամբ գործադրվող ջանքերին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել