Ընթացիկ տարվա 11 ամիսների ընթացքում Հայաստանի Հանրապետության տարածքում արձանագրված ճանապարհատրանսպորտային պատահարներից 763-ը տեղի են ունեցել արագության գերազանցման պատճառով, որոնց հետեւանքով 178 մարդ մահացել, 1161-ը ստացել են տարբեր աստիճանի մարմնական վնասվածքներ: Ըստ ոստիկանության մամլո ծառայության հաղորդած տվյալների` պատահարներից 44-ը տեղի են ունեցել ոչ սթափ վարորդների պատճառով, ինչի հետեւանքով 10 մարդ մահացել է, իսկ 72-ը՝ ստացել տարբեր աստիճանի մարմնական վնասվածք: