Կենտրոն և Նորք-Մարաշ համայնքների ընդհանուր իրավասության դատարանի դռնփակ նիստում դատավոր Արմեն Խաչատրյանը ԲՆ աշխատակազմի բնապահպանական պետական տեսչության պետ Տիգրան Գրիգորյանի եւ պետի տեղակալ Արսեն Պետրոսյանի նկատմամբ խափանման միջոց է կիրառել երկամսյա կալանքը: Թե ինչով կավարտվի այս երկու պաշտոնյաների կալանքի պատմությունը, առայժմ դժվար է գուշակել: Բոլորին, այդ թվում նաեւ իրավապահ մարմիններին հայտնի է,   որ կալանավորված պաշտոնյաները առանց փոխնախարարի եւ նախարարի գիտության չէին կարող նման չափի կաշառք վերցնել: Բայց իրավապահները նման «բարձունքի» չեն հասնի, մինչեւ վերեւներից հրահանգ չլինի: Այս դեպքում, հրահանգը չի եղել: Սակայն իշխանական կուլիսներում արդեն քննարկվում է Բնապահպանության նախարար Արամ Հարությունյանի  պաշտոնանկության մասին լուրերը: