Դեկտեմբերի 5-ի գիշերը Ռուսաստանի Պերմ քաղաքի «Կաղ ձի» գիշերային ակումբում տեղի ունեցած հրդեհի պատճառով մահացած մարդկանց թիվն ավելացել է` հասնելով 155-ի: Ռուսական լրատվամիջոցների փոխանցմամբ` 50-ից ավելի մարդ դեռեւս գտնվում է հիվանդանոցում: Հիշեցնենք, որ հրդեհի արդյունքում վառվել է 500 քմ ընդհանուր մակերեսով ակումբի 400 քմ տարածքը: Զոհերի մեծամասնությունը 25-35 տարեկան է: Նրանց թվում կա մեկ հայ` 34-ամյա Էդուարդ Ղազարյանը: Բռնկված հրդեհի պատճառը ակումբում տեղի ունեցած տեխնիկական վթարն է եղել, որի համար ակումբի կառավարիչները ձերբակալված են, հարուցվել է 2 քրեական գործ, կատարվում է նախաքննություն: