Հունվարի 9-ին` ժամը 18.30-ին, հիվանդանոցից ոստիկանության Վաղարշապատի բաժնում հաղորդում է ստացվել, որ կրծքավանդակի առաջնային պատի ծակած-կտրած վերքով իրենց մոտ է տեղափոխվել 24-ամյա Հռիփսիմե Խ.-ն: Աղջիկը հայտարարել է, որ վնասվածքն ստացել է տանը` միս կտրելու ժամանակ: Սակայն իրավապահները երեկ պարզել են, որ տանը վիճաբանության ժամանակ Հռիփսիմեի հայրը` 1959 թ. ծնված Բորիս Բ.-ն, խոհանոցային դանակով հարվածել է դստերն ու պատճառել նշված վնասվածքը: «Հանցագործության գործիք դանակն առգրավված է, կատարվում է հետաքննություն»,- տեղեկացնում են ոստիկանության լրատվության վարչությունից: