Արագածոտնի մարզից տեղեկություն է ստացվել, որ երեկ, ժամը 16.45-ի սահմաններում, դեռեւս չպարզված հանգամանքներում, Օշական գյուղի բնակիչ Մ. Սարգսյանի տանը պայթյուն է տեղի ունեցել: Հայաստանի փրկարար ծառայության մամլո ծառայության փոխանցմամբ` պատահարի հետեւանքով տարբեր վնասվածքներով Աշտարակի հիվանդանոց են տեղափոխվել 1928 թ. ծնված Սիրանուշ Անտոնյանը, 1975 թ. ծնված Մուշեղ, 1998 թ. ծնված Վազգեն եւ 2000 թ. ծնված Ռուզաննա Սարգսյանները: Բժիշկները տուժածների առողջական վիճակը բնութագրել են բավարար: