Երեկ, ժամը 18.30-ին, Մալաթիայի գյուղմթերքների շուկայում ծառայություն կատարող ոստիկանության Երևան քաղաքի վարչության ՊՊԾ գնդի 4-րդ վաշտի ոստիկաններ` ոստիկանության ավագ Գառնիկ Թ.-ն և ոստիկանության կրտսեր սերժանտ Վաչիկ Գ.-ն, նկատելով քաղաքացիների հետ անհիմն վիճաբանող և ոգելից խմիչքի ակնհայտ ազդեցության տակ գտնվող տղամարդուն, փորձել են կարգի հրավիրել նրան ու կանխել հակահասարակական գործողությունները, սակայն կարգազանցը ծալովի դանակով հարվածել և կրծքավանդակի ու ձեռքի մասում կտրած-ծակած վնասվածքներ է պատճառել ոստիկանության ծառայողներին:

1939 թ. ծնված Ալբերտ Հովսեփյանը բերման է ենթարկվել ոստիկանության Մալաթիայի բաժին: Ոստիկանության ծառայողները տեղափոխվել են «Մալաթիա» բժշկական կենտրոն: Կատարվում է նախաքննություն: Դեպքի մասին հայտնում է ոստիկանության մամլո ծառայությունը: