ԵԽԽՎ հոկտեմբերի 3-7 կայանալիք նստաշրջանում քննարկվելու է Վեհաժողովի հավասար հնարավորությունների հանձնաժողովի զեկույցը, որում խոսվում է Եվրոպայի խորհրդի անդամ մի շարք երկրներում՝ Ալբանիայում, Հայաստանում և Ադրբեջանում մինչծննդյան սեռի ընտրության «վտանգավոր համամասնության» մասին: Այդ երկրներում նորածինների համամասնությունն է 112 տղա և 100 աղջիկ:

Բանաձևի նախագծում կոչ է արվում այդ երկրներին ուսումնասիրել դրա պատճառները, իսկ ԵԽ անդամ բոլոր պետություններին առաջարկվում է, որ բժիշկները նախապես չհայտնեն երեխայի սեռը: