Երեկ, ժամը 11.30-ին ահազանգ է ստացվել, որ Շիրակի մարզի Կառնուտ գյուղի ջրամբարը (սառույցը կոտրվելու հետեւանքով) ձկնորս է ընկել, եւ նրան դուրս բերելու համար անհրաժեշտ է փրկարարների օգնությունը: Տեղում պարզվել է, որ ձկնորսը գտնվում է ջրամբարի ափից մոտ 55 մ հեռավորության եւ 3 մ խորության վրա:

Դեպքի վայր մեկնած Սեւանի ջրափրկարարական ծառայության փրկարարների կողմից ջրամբարից դուրս է բերվել անձը չպարզված, 50-55 տարեկան տղամարդու դի եւ հանձնվել ոստիկանության աշխատակիցներին: Այս մասին տեղեկացնում է Հայաստանի փրկարար ծառայության տեղեկատվության և հասարակայնության հետ կապերի բաժինը: