Սասուն Միքայելյանի վիճակը նորմա՞լ է
Այսօր «Դատապարտյալների հիվանդանոց» քրեակատարաողական հիմնարկից «Հետքին» հայտնեցին, որ Սասուն Միքայելյանի վիճակը նորմալ է: Քանի որ այսօր ոչ աշխատանքային օր է, մեզ չտրամադրեցին քաղբանտարկյալին բուժող բժշկի հեռախոսահամարը, փոխարենը «Դատապարտյալների հիվանդանոց» քրեակատարողական հիմնարկ վարչությունից մեզ ասում էին զանգահարել հերթապահության բաժին, այնտեղից` վարչություն, այստեղից էլ` հիվանդանոց: Այդպես էլ որևէ պաշտոնական տեղեկատվություն չստացանք, որովհետև այսօր ոչ աշխատանքային է:
Հիշեցնենք, որ երեկ գիշերը կտրուկ վատացել է անազատության մեջ գտնվող Սասուն Միքայելյանի առողջական վիճակը: Ըստ մամուլի հրապարակումների` Սասուն Միքայելյանը սրտի նոպա է ստացել, կտրուկ բարձրացել է արյան ճնշումը, ստիպված են եղել կանչել «Դատապարտյալների հիվանդանոց» քրեակատարողական հիմնարկի գլխավոր բժշկին եւ սրտաբանի:
Միքայելյանի մտահոգված հարազատները նշում են, որ նրա առոջղական վիճակը վատթարանում է:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել