Երեկ, ժամը 22.30-ին, հիվանդանոցից ոստիկանության Մասիսի բաժնում հաղորդում է ստացվել, որ ծնոտի և շրթունքի կտրած վերքերով իրենց մոտ է տեղափոխվել 1989 թ. ծնված Արմեն Ս.-ն: Մեկնած օպերատիվ խումբը պարզել է, որ ժամը 22.00-ի սահմաններում 1987 թ. ծնված Էդգար Ս.-ն կենցաղային հարցերի շուրջ վիճաբանել է մոր` 1967 թ. ծնված Ռիմա Ս.-ի հետ, ձեռքով հարվածել դեմքին, կծել ձեռքն ու խոհանոցային դանակով հարվածել եղբորը` Արմեն Ս.-ին` պատճառելով վնասվածքներ: Կատարվում է հետաքննություն: Այս մասին հայտնում է ոստիկանության մամլո ծառայությունը: