Տեսանյութեր
Լուսանկարներ
Եղիշեի մրցանակակիրները հայտնի դարձան
ԼՂՀ կառավարության այսօրվա նիստում ամփոփվեցին կառավարության Եղիշեի անվան ամենամյա մրցանակաբաշխության 2009թ. արդյունքները: Ինչպես նիստում ներկայացրեց կառավարության աշխատակազմի ղեկավար-նախարարը, «Գրականություն» անվանակարգում մրցանակակիր է դարձել Մաքսիմ Հովհաննիսյանը` «Չասվածների խնջույք» գրքի համար:
«Մաշտոցն Ամարասում» բարձրաքանդակի համար մրցանակ է շնորհվել Յուրի Հովհաննիսյանին /արվեստ/, «Վերնագիրը վերջում» հեռուստատեսաշարի համար` Սոֆի Իվանիդիսին եւ Բենիամին Ղարախանյանին /կինեմատոգրաֆիա եւ հեռուստատեսաֆիլմեր/, իսկ «Հայ Աղվանից եկեղեցու պատմություն» աշխատության համար`Մելանյա Բալայանին /հումանիտար գիտություների բնագավառ/: Յուրաքանչյուր անվանակարգում հաղթողին կտրամադրվի 250 հազար դրամ:
Կառավարությունն այսօր հավանություն տվեց նաեւ մրցանակաբաշխության անվանակարգերը մեկով ավելացնելու որոշման նախագծին, ըստ որի, մրցանակ կստանա նաեւ թատերական արվեստի եւ երաժշտության անվանակարգի հաղթողը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել