Տեսանյութեր
Լուսանկարներ
Խորհրդակցություն Պաշտպանության նախարարությունում
Այսօր Պաշտպանության նախարարությունում տեղի է ունեցել ՀՀ պաշտպանական բարեփոխումների ուղղությամբ 2009թ. կատարված աշխատանքների և 2010թ. առաջնահերթ խնդիրների վերաբերյալ խորհրդակցություն, որը վարել է նախարար Ս. Օհանյանը:
ՊՆ մամուլի ծառայության փոխանցմամբ` խորհրդակցության ընթացքում պաշտպանական բարեփոխումների ուղղությամբ կատարված աշխատանքների վերաբերյալ զեկույցներով հանդես են եկել ՀՀ ԶՈՒ գլխավոր շտաբի պետ, գեներալ-գնդապետ Յու. Խաչատուրովը, ՀՀ պաշտպանության նախարարի տեղակալ Ա. Նազարյանը, ՀՀ ՊՆ և ԶՈՒ ԳՇ վարչությունների և առանձին բաժինների պետեր:
Քննարկվել են ՀՀ ԶՈւ կառավարման համակարգի վերանայմանը, բարեփոխումների հայեցակարգային և օրենսդրական ապահովմանը, անձնակազմի կրթությանը և վերապատրաստմանը, պաշտպանական պլանավորման ու բյուջետավորման համակարգի բարեփոխմանը և այլ ոլորտներին վերաբերող հարցեր: Քննարկումների ընթացքում հատուկ ուշադրություն է դարձվել պաշտպանության ռազմավարական վերանայման և ռազմավարական պլանավորման խնդիրներին:
Ամփոփելով խորհրդակցության արդյունքները` Ս. Օհանյանը նշել է, որ պաշտպանական բարեփոխումները մոտեցել են այնպիսի փուլի, երբ պետք է անդրադառնալ բուն զորային կառույցի, նրա կառուցվածքի, մարտական պատրաստականության վիճակի բարելավման, ռազմավարական և օպերատիվ պլանավորման խնդիրներին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել