Սպորտի նախարարը հեռանու՞մ է «Առավոտի» ունեցած տեղեկություններով, սպորտի եւ երիտասարդության հարցերի նախարար Արմեն Գրիգորյանը լքում է պաշտոնը:  Համենայնդեպս, ըստ շրջանառվող լուրերի, երեկ նա դատարկում էր աշխատասենյակը: Սերժ Սարգսյանը հրավիրել է «Շանթ» «Առավոտի» ունեցած տեղեկություններով` Բանակի օրվա առիթով, Սերժ Սարգսյանը «Շանթ» ռեստորանում կերուխում է կազմակերպել, որին հրավիրված են ոչ միայն բանակի ներկայացուցիչհներն ու ԵԿՄ-ականները, այլեւ այն երկրապահները, որոնց ջուրը Սերժ Սարգսյանի առվով չի գնում, եւ որոնք նրա վարած քաղաքականության մոլի քննադատներն են: Գարնան հետ շատերն են հույսեր կապում Երեկ «Առավոտի» հետ  զրույցում «Հանրապետություն» կուսակցության  նախագահ Արամ Սարգսյանը` անդրադառնալով ղարաբաղյան հակամարտության շուրջ վերջին շրջանում տեղի ունեցող զարգացումներին, կարծիք հայտնեց, թե նախկին նախագահ Քոչարյանը իր 10 տարվա պաշտոնավարման ընթացքում այս հիմնախնդրի լուծումը ձգձգելու ռեսուրսն ամբողջությամբ մսխեց և Սերժ Սարգսյանին նման հնարավորության հիմնական պաշարից զրկեց: Նա նաև ասաց. «Առավել ևս, վերջին շրջանում մեր տարածաշրջանում տեղի ունեցած դեպքերն ու զարգացումները նկատի առնելով` «դրսի» ճնշումները մեծացել են և Հայաստանի, և Ադրբեջանի վրա: Վստահաբար ասում եմ, որ Ռ.Քոչարյանի վրա երբեք այնչափ ճնշումներ չեն եղել, որքան հիմա կան Ս. Սարգսյանի վրա: Ես կիսում եմ ԵԱՀԿ ԽՎ հատուկ ներկայացուցիչ Գորան  Լենմարկերի  կարծիքը, թե` հնարավոր է, որ այս գարնանը ԼՂ հարցով ամբողջական համաձայնագիրը ստորագրվի»: ՍԴ-ն օրենք է խախտում Երեկ ՀՀ ՍԴ-ն որոշել է մարտի 5-ին քննարկել «ՀԺ» գլխավոր խմբագիր, պատգամավորության թեկնածու, քաղբանտարկյալ Նիկոլ Փաշինյանի` 10-րդ ընտրատարածքում տեղի ունեցած ԱԺ ընտրություններն անվավեր ճանաչելու վերաբերյալ դիմումը: «ՍԴ մասին» ՀՀ օրենքի 74-րդ հոդվածի 18-րդ կետը սահմանում է, որ մեծամասնական ընտրակարգով ԱԺ ընտրությունների վերաբերյալ դիմումները ՍԴ-ն քննում եւ որոշում է կայացնում  մեկամսյա ժամկետում: Այսինքն, ՍԴ-ն Նիկոլ Փաշինյանի դիմում քննարկումը իրավունք ուներ հետաձգել առավելագույնը մինչեւ փետրվարի 21-ը: Սակայն ՍԴ-ն նիստը նշանակել է Նիկոլ Փաշինյանի դիմումի մուտքագրման օրվան հաջորդող 43-րդ օրը: Ենթադրվում է, որ ՍԴ-ն առաջնորդվել է «ՍԴ մասին» օրենքի այն դրույթով, որի հիման վրա` մեծամասնական ընտրակարգով Աժ ընտրությունների վերաբերյալ դիմումներով շանրաբռնված լինելու դեպքում ՍԴ-ն կարող է դիմումների վերաբերյալ որոշումները կայացնել 50-օրյա ժամկետում: Մինչդեռ ներկայումս ՍԴ-ում ԱԺ ընտրությունների վերաբերյալ միայն մեկ դիմում կա, եւ դա Նիկոլ Փաշինյանի դիմումն է: Իրավաբանական խորհրդակցություններ Թուրքիայում Անկարան ՀՀ Սահմանադրական դատարանի հայ-թուրական արձանագրությունների վերաբերյալ կայացած որոշման առնչությամբ իրավական երաշխիքներ ստանալու նպատակով սկսել է իրավաբանական խորհրդակցություններ: Ինչպես հաղորդում են թուրքական լրատվամիջոցները, այդ խորհրդակցություններին մասնակից կդարձնեն նաեւ ԱՄՆ-ին, հայ-թուրքական բանակցություններում  որպես միջնորդ հանդես եկող Շվեցարիային: Դրա մասին տեղեկացրել են ԵԱՀԿ Մինսկի խմբին եւ Եվրամիությանը: Այս մասին «Զամանին» հայտնել են անանուն դիվանագիտական աղբյուրներ: Լրատվամիջոցը հաղորդում է, որ հակառակ Երեւանի ուղերձին, թե ՍԴ որոշումն ազդեցցություն չի ունենա հարաբերությունների կարգավորման գործընթացի վրա, Անկարան համառում է այդ մոտեցումը իրավական պարտադիր ուժ ունեցող փաստաթղթով ամրագրելու հարցում: Նա նշում է նաեւ, որ Անկարան հայ-թուրքական  հարաբերությունների կարգավորման գործընթացում ընդգրկված կողմերին իրազեկել է, թե որեւէ քայլ չի անի արձանագրությունների վավերացման ուղղութամբ` առանց գրավոր երաշխիքներ ստանալու: Մահացել է Շամիրամ Աղաբեկյանը Երեկ առավոտյան անակնկալորեն կյաքից հեռացավ հանրապետության լավագույն լրագրող-քաղաքական մեկնաբաններից` կուսակցական գործիչ եւ մանկավարժ,  դասախոս Շամիրամ Աղաբեկյանը:  1992թ.-ից նա եղել է Ռամկավար ազատական կուսակցության եւ Թեքեյան մշակութային  միության ակտիվ անդամ, վարել պատասխանատու պաշտոններ հիշյալ կազմակերպություններում, հանդիսացել է «Գոլոս Արմենիի» թերթի խմբագրի առաջին տեղակալ, «Ազգ» օրաթերթի քաղաքական մեկնաբան, «Ռեսպուբլիկա Արմենիա» օրաթերթի  գլխավոր խմբագիր, «Ազգ» կայքէջի խմբագիր, Հեռուստատեսության եւ ռադիոյի ազգային հանձնաժողովի փոխնախագահ, իսկ մինչեւ իր վաղաժամ մահը` Աբովյանի անվան պետական մանկավարժական համալսարանի  մշակույթի ֆակուլտետի լրագրության  բաժնի դասախոս, Արմենական-ՌԱԿ «Զապել Եսայան» ակումբի ատենապետ: Արդեն ոչինչ կախված չէ մեզանից «Սա առաջին ապրիլի 24-ն է լինելու, որտեղ հայերիս որոշումները նվազագույն ազդեցություն են ունենալու: Ամեն ինչ կախված կլինի այն բանից, թե Միացյալ Նահանգներն ու Թուրքիան ինչ կբանակցեն իրենց խնդիրները լուծելու համար»,- թերթի թղթակցին տված հարցազրույցում հայտարարել է ՀՀ նախկին արտգործնախարար Վարդան Օսկանյանը` պատասխանելով ԼՂՀ հակամարտության կարգավորման եւ հայ-թուրքական հաշտեցման գործընթացներին վերաբերող հարցերին: «Թուրքիան արդեն ստացել է այն նվազագույնը, ինչին ձգտում էր` թե´ փաստաթղթերի բովանդակության, թե' ողջ գործընթացն իր օգտին շահարկելու առումով: ԵՎ հիմա փորձում էստանալ առավելագույնը` Լեռնային Ղարաբաղի հետ կապված նախապայմանը»,-ասել է Վ. Օսկայնանը: Թաղապետ առանց թաղապետարանի «ՉԻ» իրազեկ աղբյուրները տեղեկացնում են, որ օրերս ավագանու որոշմամբ Երեւանի քաղաքապետ Գագիկ Բեգլարյանը օտարել է Կենտրոնի թաղապետարանի տարածքը: Երեկ թերթին չի հաջողվել պաշտոնապես ճշտել այս տեղեկությունը: Իսկ ավագանիներից մեկն էլ պարզապես տեղյակ չէր, թե ինչ է կատարվել  վերջին մի քանի օրվա ընթացքում: Բայց մենք հետամուտ կլինենք` պարզելու, թե ինչպես է Գագիկ Բեգլարյանին հաջողվել պետական նման կարեւոր նշանակություն ունեցող տարածքը եւս ծառայեցնել  անձնական շահերին: Թեեւ մյուս կողմից էլ միանգամայն հասկանալի է այս քայլը, քանի որ մի քանի անգամ արդեն պաշտոնապես հայտարարվել է, որ Երեւանում այլեւս վաճառքի հողեր չկան: Մնացել են պետական մի քանի շենք-շինություններ` հատկապես, որ այս դեպքում թաղապետը Բեգլարյանի պրոտեժեն է: Իրանացավ են կպել «ՉԻ» հավաստի աղբյուրները տեղեկացնում են, որ մոտ օրերս դաշնակցական մի քանի գործիչներ, որոնց թվում նաև պատգամավորներ, մեկնելու են Իրան: Ընդ որում` այցը բավականին երկարատև է: Թե ինչ կապ ունի դաշնակցականների այցը Ռոբերտ Քոչարյանի հետ, քանի որ նա ևս մի քանի օր մեկնել էր Իրան, կփորձենք պարզել առաջիկայում: