2005թ. սեպտեմբեր ամսից ԱՄՆ Միջազգային զարգացման գործակալությունը և Փի-Էյչ Ինթերնեշնլը ներկայացնում են Համայնքային կապեր ծրագիրը Հայաստանում և նախաձեռնում մասնակիցների ընտրության գործընթացը` Միացյալ Նահանգներ վերապատրաստման ուղարկելու նպատակով: “Հետաքննական լրագրություն” մասնագիտական թեմայով կընտրվեն այդ ոլորտը ներկայացնող ութ մասնագետներ, հիմնականում Հայաստանի պետական և մասնավոր ԶԼՄ-ների, լրատվական ասոցիացիաների, միությունների, մամուլի ակումբների ներկայացուցիչներ: Թեկնածուների ընտրությունը կկատարվի բաց մրցակցության հիմունքով: Վերապատրաստումը կտևի երեք շաբաթ: Ծրագրի հիմնական նպատակն է` ապահովել մասնագիտական և մշակութային փոխանակում Հայաստանի և Միացյալ Նահանգների մասնագետների միջև: Փոխանակման ընթացքում հայ մասնակիցները կապրեն ԱՄՆ-ում ընտրված հյուրընկալող ընտանիքներում: Ծրագրի հետ կապված բոլոր ծախսերը հոգալու է ԱՄՆ-ի Միջազգային զարգացման գործակալությունը, բացի նրանցից, որոնք կապված են անձնագրի կամ Հայաստանի սահմաններում կատարված շրջագայությունների հետ: Առաջին փուլն անցած մասնակիցները կհրավիրվեն հարցազրույցի: Հարցազրույցները կանցկացվեն հայերեն լեզվով, ԱՄՆ-ի Միջազգային զարգացման գործակալության և վերընտրող հանձնաժողովի մյուս անդամների կողմից: Ընտրված մասնակիցները կհրավիրվեն բժշկական հետազոտության, որը կկազմակերպվի   Փի-Էյչ Ինթերնեշնլ կազմակերպության կողմից: Ընդհանուր պահանջներ` * Լինել Հայաստանի քաղաքացի *  Նախկինում J1 վիզայով ԱՄՆ-ի կառավարության կողմից ֆինանսավորված  այլ վերապատրաստման կամ փոխանակման ծրագրով ԱՄՆ մեկնած լինելու դեպքում բավարարել երկու տարի երկրից դուրս չգալու պայմանը * Պատրաստ լինել ապրել ամերիկյան ընտանիքում * Անգլերենի իմացությունը պարտադիր չէ: Հատուկ պահանջներ` * Նվազագույնը երկու տարվա աշխատանքային  փորձ ԶԼՄ-ներում, նախընտրելի է որպես հետաքննող լրագրող * Տեսական լուրջ գիտելիքներ ու պատկերացում հետաքննական լրագրության ոլորտի և Հայաստանում այդ ոլորտի առանձնահատուկ կարիքների մասին * Դրական արդյունքներ հետաքննական լրագրության ոլորտին առնչվող աշխատանքում և այդ անհատական արդյունքները պատշաճ կերպով ներկայացնելու կարողություն * ԱՄՆ-ից վերադառնալուց հետո հետագա հինգ տարիների ընթացքում իրենց գործունեությունն այդ ոլորտում շարունակելու պլաններ * Առաջնորդի հմտություններ, ցանկություն և հնարավորություն` կազմակերպել մասնագիտական վերապատրաստումներ գործընկերների համար Դիմում- հայտին կից խնդրվում է ներկայացնել` * սեփական հետաքննական աշխատանքի օրինակ (թերթի հոդված, տեսա-ձայնային նյութեր, ինտերնետային հղումներ, և այլն)- ցանկալի է, բայց ոչ պարտադիր * մեկ կամ երկու հետաքննական աշխատանքի նախագիծ, որ պլանավորում եք իրականացնել մոտ ապագայում  (առավելագույնը 2 էջի սահմաններում): Ծրագրի ներկայացումը տեղի կունենա սույն թվականի փետրվարի 5-ին, ժ. 13:00-ին, Հայաստանի ժուռնալիստների միության շենքում (Երևան, Պուշկինի փող. 3ա): Ծրագրի դիմում-հայտը կարող եք գտնել Համայնքային կապեր ծրագրի կայքում www.ccarmenia.am կամ վերցնել Փի-Էյչ Ինթերնեշնլի հայկական մասնաճյուղի գրասենյակից (Երևան, 0015, Պարոնյան փող. 8/8): Մրցույթին մասնակցելու համար` ԼՐԱՑՐԵՔ ԴԻՄՈՒՄ-ՀԱՅՏԸ ԵՎ ՀԱՆՁՆԵՔ ՄԻՆՉԵՎ 2010 թ. ՓԵՏՐՎԱՐԻ 22-ը, ժ.18:00 ՀԵՏԵՎՅԱԼ ՀԱՍՑԵՈՎ` Փի-Էյչ Ինթերնեշնլ-Հայաստան ՀՀ, Երևան 0015, Պարոնյան փող. 8/8 Հեռ.` (374 10) 53-67-83, 53-82-57, 53-86-76 Համայնքային կապեր ծրագրի մասին լրացուցիչ տեղեկատվություն կարող եք ստանալ` զանգահարելով Փի-Էյչ Ինթերնեշնլի հայկական մասնաճյուղ,  ծրագրի ղեկավար` Նունե Ամիրյանին (093 42 24 31) կամ ծրագրի կոորդինատոր` Քրիստինե Ճգնավորյանին (094 41 42 35):