Այսօր Նկարիչների միությունում բացվեց սիրո եւ երիտասարդների բարեխոս Ս. Սարգսի տոնին նվիրված հանրապետական 2-րդ ցուցահանդեսը: Ցուցահանդեսի բացման արարողությանը ներկա էին նաեւ վարչապետ Տիգրան Սարգսյանը, հոգեւորականներ, քաղաքական գործիչներ:
Ցուցահանդեսին ներկայացված աշխատանքների հեղինակները երիտասարդ նկարիչներն են: Աշխատանքների թեման սերն է` սերը միմյանց նկատմամբ, երեխայի, ծնողի, հայրենիքի եւ այլն:

«Այս ցուցահանդեսը եւս մի հնարավորություն է կուտակված էներգիան մարդկանց փոխանցելու, նրանցից դրական լիցքեր ստանալու եւ ուղղակի ներկայանալու համար»,- ասաց ցուցահանդեսի մասնակից, նկարչուհի Անի Այվազյանը:

Մարիամ Մուղդուսյան