Նոր փոխարտգործնախարար
ԼՂՀ նախագահ Բակո Սահակյանն այսօր ստորագրել է հրամանագիր` Վասիլի Աբգարի Աթաջանյանին ԼՂՀ արտաքին գործերի նախարարի տեղակալ նշանակելու մասին: Այս մասին հայտնում են նախագահի աշխատակազմի տեղեկատվության գլխավոր վարչությունից:
Տեղեկացնենք, որ Վասիլի Աթաջանյանը նախկինում ԱԺ պատգամավոր էր, ԱԺ-ում սոցիալական հարցերի հանձնաժողովի նախագահ, զբաղեցնում էր սոցապահովության նախարարի, այնուհետեւ մի քանի հիմնարկների ղեկավարի պաշտոնը:
Բացի Վասիլի Աթաջանյանից` արտգործնախարարն ունի եւս մեկ տեղակալ` Վարդան Բարսեղյանը, ով նախկինում ԱՄՆ-ում Ղարաբաղի ներկայացուցիչն էր:
Ի դեպ, վերջերս շրջանառվող լուրերի համաձայն` Վասիլի Աթաջանյանին փոխնախարար նշանակելուց երկու ամիս անց նա կզբաղեցնի արդեն նախարարի պաշտոնը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել