![08_10-T-Araqelyan](https://hetq.am/wp-content/uploads/2009/10/08_10-T-Araqelyan.jpg)
Նախաքննական մարմինը կարճել է ՀԱԿ-ի երիտասարդ ակտիվիստ Տիգրան Առաքելյանի նկատմամբ հարուցված քրեական գործը` ապացույցների անբավարարության հիմքով: Կարճվել է նաև նույն գործով անցնող Սահակ Մուրադյանի ու Հերբերտ Գևորգյանի նկատմամբ հարուցված քրեական գործը:
Ինչպես «Հետք»-ին փոխանցեց Տիգրան Առաքելյանի փաստաբան Վարդուհի Էլբակյանը, չնայած գործը կարճվել է ապացույցների անբավարարության պատճառով, բայց իրենք «այդքան էլ համամիտ չեն» դրա հետ և պատրաստվում են բողոքարկել. «Երևի հասկացան, որ դժվար կլինի այս գործով դատավճիռ ստանալը, իսկ Տիգրան Առաքելյանը պետք է լինի տուժողի կարգավիճակում և ոչ թե մեղադրյալի»: Փաստաբանի փոխանցմամբ` իրենք բողոքարկելուց էլ որևէ ակնկալիք չունեն:
Հիշեցնենք, որ Տիգրան Առաքելյանը մեղադրվում էր խուլիգանության և իշխանության ներկայացուցչի նկատմամբ բռնություն գործադրելու մեջ: Միջադեպը տեղի էր ունեցել հուլիսի 1-ին Երևանում, երբ երիտասարդները բաժանում էին Հայ ազգային կոնգրեսի հանրահավաքի իրազեկման թռուցիկները:
Լուս.` Գ. Շամշյանի
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել