Ըստ Ալավերդի քաղաքում կազմակերպված ընտրությունների ամփոփիչ արդյունքների՝ քաղաքապետ է ընտրվել Արտավազդ Վարոսյանը: Թիվ 31 ընտրատարածքի Ալավերդի քաղաքի 15 ընտրատեղամասերում քվեարկությանը մասնակցելու իրավունք ունեցող16 հազար 520 հոգուց ընտրությանը մասնակցել է ընդամենը 4027 մարդ:

Քվեարկության արդյունքում գրանցվել է 5 անճշտություն, անվավեր է ճանաչվել 155 քվեաթերթիկ: Արտավազդ Վարոսյանը ստացել է 3 հազար 484 քվե, Կամո Բաբայանը՝ 386:

Հիշեցնենք՝ Ալավերդու քաղաքապետի պաշտոնը թափուր էր մնացել հուլիսի 28-ից` Ալավերդու նախկին քաղաքապետ Արթուր Նալբանդյանին Լոռու մարզպետ նշանակելուց հետո: Հանրապետական կուսակցության անդամ Արտավազդ Վարոսյանը Նալբանդյանի տեղակալն էր, իսկ Կամո Բաբայանը՝ Ալավերդու ներքաղաքային տրանսպորտը կարգավորող «Քարափ-տրանս» ՍՊԸ-ի տնօրենը: