Հայաստանի հանրային հեռուստաընկերության գեղարվեստական խորհուրդը, գարնանը Օսլոյում կայանալիք «Եվրատեսիլ-2010» երգի մրցույթի հայաստանյան նախընտրական փուլում 30 երգից ընտրել է 10-ը: Փետրվարի 11-ին Հ1-ի ուղիղ եթերում կկայանա հեռուստատեսային փուլի 10 մասնակից երգերի հերթականության վիճակահանությունը, իսկ երգերը հանդիսատեսին կներկայացվեն փետրվարի 14-ին` կրկին ուղիղ եթերում։ Եզրափակիչ փուլ անցած մասնակիցներն են` Anothеr Story Rock-band խումբը, Եվա Ռիվասը, Նիք Էգիբյանը, Էմմին եւ Միհրանը, Դավիթ Աշոտյանը, Մարիա Կիզիրյանը, Ռազմիկ Ամյանը, Սոնյան, Անի Արզումանյանը եւ Մելինե Բեգլարյանը: