Փետրվարի 3-ին, ժամը 16.00-ին, ոստիկանության քրեական հետախուզության գլխավոր վարչության և Էրեբունու բաժնի ծառայողները գողություն կատարելու կասկածանքով Նուբարաշենի թիվ 95 միջնակարգ դպրոցից բերման են ենթարկել 1994 թ. ծնված Արտյոմ Փ.-ին: Նա խոստովանել է, որ հունվարին, պատուհանի ապակին կոտրելով` 1938 թ. ծնված Ռիմա Հ.-ի տնից գողացել է ոսկյա զարդեր: Ձեռնարկված միջոցառումների շնորհիվ պարզվել է, որ Արտյոմ Փ.-ն հունվարի 5-ին, բաց դռնից մուտք գործելով, 1976 թ. ծնված Տարոն Ե.-ի տնից գողացել 1.200 ԱՄՆ դոլար ընդհանուր արժողության ոսկյա զարդեր: Կատարվում է նախաքննություն: Այս մասին հայտնում է ոստիկանության մամլո ծառայությունը: