ԼՂՀ ԱԺ ընտրությունները` մայիսի 23-ին
ԼՂՀ Նախագահ Բակո Սահակյանն այսօր հրամանագիր է ստորագրել Լեռնային Ղարաբաղի Հանրապետության Ազգային ժողովի հերթական ընտրությունը 2010 թվականի մայիսի 23-ին նշանակելու մասին: Այս մասին հայտնում են նախագահի աշխատակազմի տեղեկատվության գլխավոր վարչությունից:
Հիշեցնենք, որ այս խորհրդարանական ընտրություններում 33 պատգամավորներից 17-ը կընտրվեն համամասնական, իսկ 16-ը` մեծամասնական ընտրակարգով:
Այս անգամ խորհրդարանական ընտրություններին մասնակցելու հնարավորություն կունենան 10 կուսակցություններ: Ինչպես Հետքին հայտնեցին արդարադատության նախարարությունում, 10-րդը` «Քրիստոնեա-դեմոկրատական միություն» կուսակցությունը գրանցվել է հունվարի 25-ին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել