Երեկ նախագահ Բակո Սահակյանի մոտ տեղի ունեցած խորհրդակցության ժամանակ քննարկվել են ԼՂՀ Օդային օրենսգրքի մշակման հետ կապված հարցեր: Ինչպես հայտնում են նախագահի աշխատակազմի տեղեկատվության գլխավոր վարչությունից, խորհրդակցության  ժամանակ զեկույցով հանդես է եկել ԼՂՀ վարչապետի խորհրդական Դմիտրի Ադաբաշյանը: Ծավալված քննարկումների ընթացքում երկրի ղեկավարը նշել է, որ Օդային օրենսգրքի մշակումը եւ ընդունումը հանդիսանում է ավիացիայի գործունեության կարեւորագույն հիմքերից մեկը, եւ այս համատեքստում ակնկալում է գործադիր եւ օրենսդիր իշխանությունների միջեւ սերտ համագործակցություն, որի արդյունքում հանրապետությունը պետք է ունենա միջազգային չափանիշներին համապատասխան Օդային օրենսգիրք: