Տեսանյութեր
Լուսանկարներ
Հովիկ Աբրահամյանն ընդունել է Երեւանում ԵԱՀԿ գրասենյակի ղեկավարին
Այսօր Ազգային ժողովի նախագահ Հովիկ Աբրահամյանը հանդիպել է Երեւանում ԵԱՀԿ գրասենյակի ղեկավար Սերգեյ Կապինոսին: Զրուցակիցները բարձր են գնահատել ՀՀ ԱԺ եւ ԵԱՀԿ Երեւանի գրասենյակի համագործակցությունը եւ գոհունակությամբ արձանագրել, որ նախորդ տարվա ընթացքում հաջողությամբ իրականացվել են 2009 թ. ապրիլի 15-ի ՀՀ ԱԺ եւ ԵԱՀԿ Երեւանի գրասենյակի միջեւ կնքված Համագործակցության հուշագրով նախատեսված բոլոր միջոցառումները:
ԱԺ մամլո ծառայության փոխանցմամբ` Հովիկ Աբրահամյանը Սերգեյ Կապինոսին առաջարկել է ամփոփել 2010 թ. համար նախատեսված համագործակցության ծրագրերը եւ շարունակել համատեղ սերտ աշխատանքը ՀՀ ԱԺ մասնագիտական կարողությունների զարգացման բնագավառում:
Կողմերը քննարկել են նաև եվրոպական չափանիշների համաձայն ՀՀ օրենսդրությունը կատարելագործելու հարցը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել