Արմեն Ղուլարյանին ուղղված Ձեր հարցերը տեղադրեք մեկնաբանությունների դաշտում: Արմեն Ղուլարյան ծնվել է 1954թ. սեպտեմբերի 25-ին, Իջևան քաղաքում:  1971թ. ավարտել է Իջեւանի թիվ 5 միջնակարգ դպրոցը եւ նույն տարում ընդունվել Երեւանի պոլիտեխնիկական ինստիտուտի ճարտարապետա-շինարարարական ֆակուլտետը։ 1976թ. ավարտելով այն, ստացել է ճարտարապետի մասնագիտություն եւ աշխատանքի անցել Իջեւանի շրջանային խորհրդի գործկոմի ճարտարապետական բաժնում՝ որպես խմբի ղեկավար։ 1980-1988թթ. աշխատել է որպես Իջեւանի շրջանի գլխավոր ճարտարապետ։ 1988-1990թթ. աշխատել է ՀԿԿ Իջևանի շրջկոմում՝ շինարարության, արդյունաբերության բաժնի վարիչ։ 1990թ. նշանակվել է Իջեւանի քաղխորհրդի գործկոմի նախագահի պաշտոնակատար: 1991թ. ընտրվել է Իջևանի քաղաքային խորհրդի գործկոմի նախագահ եւ աշխա տել   մինչև 1996 թվականը: 1996թ. նոյեմբերին ընտրվել է Իջեւանի քաղաքապետ, այդ պաշտոնում աշխատելով մինչև 1999թ. փետրվարը։ ՀՀ կառավարության 1999թ. փետրվարի 25-ի որոշմամբ նշանակվել է ՀՀ Տավուշի մարզպետ, ուր աշխատում է առ այսօր։ 1996 թ. ՀՀԿ անդամ է, 1999 թվականից ` ՀՀԿ Տավուշի մարզային կազմակերպության խորհրդի նախագահը: Ճարտարապետների  միության անդամ է։ Ամուսնացած է, ունի երկու որդի: