Նախօրեին, ժամը 12.19-ին ահազանգ է ստացվել, որ Կապան-Գորիս ավտոճանապարհի 15-րդ կիլոմետրում տեղի է ունեցել ճանապարհատրանսպորտային պատահար, եւ անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Դեռեւս  չպարզված հանգամանքներում` «ՎԱԶ-2121» մակնիշի 633 ՏՍ 51 պետհամարանիշի ավտոմեքենան բախվել է «ԿամԱԶ» մակնիշի 103 ՏՍ 51 պետհամարանիշի բեռնատարին (վարորդ` 1966 թ. ծնված Լեւոն Խուրշուդյան): Պատահարի  հետեւանքով «ՎԱԶ-2121» մակնիշի ավտոմեքենայի վարորդ, Կապան քաղաքի բնակիչ, 1969 թ. ծնված Ա. Մարտիրոսյանը ստացել է տարբեր մարմնական վնասվածքներ եւ տեղափոխվել Գորիսի հիվանդանոց: Ըստ բժիշկների` տուժածի վիճակը բավարար  է: Այս մասին հայտնում է Հայաստանի փրկարար ծառայության մամլո բաժինը: