Արձանագրություններն ԱԺ ուղարկելու մասին լուրերն անհիմն են
ՀՀ ԱԺ հասարակայնության հետ կապերի վարչությունից «Հետք»-ին տեղեկացրին, որ անհիմն են և իրականությանը չեն համապատասխանում լուրերն այն մասին, թե Սերժ Սարգսյանը հայ-թուրքական արձանագրություններն ուղարկել է Ազգային ժողով վավերացման գործընթացը սկսելու համար:
Այսօր կայքերից մեկը գրել էր, որ Սերժ Սարգսյանն արձանագրություններն ուղարկել է ԱԺ վավերացման գործընթացը սկսելու համար: Ըստ այդ տեղեկատվության` հարցը ԱԺ-ում ներկայացնելու է ԱԳ նախարար Էդվարդ Նալբանդյանը, իսկ ԱԺ նախագահ Հովիկ Աբրահամյանը արձանագրությունները երկու օրվա ընթացքում պետք է դնի շրջանառության մեջ:
ՀՀ նախագահի տեղեկատվության և հասարակայնության հետ կապերի վարչությունից «Հետք»-ին հայտնեցին, որ ըստ նախագահի կարգադրության` ԱԳ նախարար Էդվարդ Նալբանդյանը նշանակվել է նախագահի ներկայացուցիչը ԱԺ-ում արձանագրությունները ներկայացնելու համար:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել