2009-ին Հայաստանի Հանրապետության իրավապահ մարմինների կողմից ՀՀ քրեական օրենսգրքի 132 (շահագործման նպատակով մարդուն հավաքագրելը, փոխադրելը, հանձնելը, թաքցնելը կամ ստանալը) եւ 132 պրիմ (մարդուն պոռնկության կամ սեռական շահագործման այլ ձեւերի մեջ, հարկադիր աշխատանքի կամ ծառայությունների ներգրավելը կամ ստրկության կամ ստրկությանը նմանվող վիճակի մեջ դնելը կամ պահելը) հոդվածների հատկանիշներով, բացահայտվել է 11 հանցագործության դեպք: 2008 թվականին ՀՀ քրեական օրենսգրքի 132 եւ 132 պրիմ հոդվածների հատկանիշներով, բացահայտվել էր 15 հանցագործության դեպք: Այս մասին տեղեկացնում է ոստիկանության մամլո ծառայությունը: