Տեսանյութեր
Լուսանկարներ
Ա. Մինասյան. «Փորձում են ներկայացնել այնպես, կարծես երկրի փրկությունը այս հարկային փաթեթի մեջ է»
Տեղական ինքնակառավարման մարմինների վերաբերյալ հարկային փաթեթի նախագծի շուրջ «Հայելի» ակումբում այսօր բանավիճում էին ՀՀԿ պատգամավոր Վարդան Այվազյանն ու ՀՅԴ պատգամավոր Արծվիկ Մինասյանը:
Ա. Մինասյանը նշեց, որ տեղական հարկերի ներմուծման մասին այս փաթեթը ոչ միայն Դաշնակցության, այլև ԱԺ բոլոր խմբակցության պատգամավորներից ոմանց ելույթներում քննադատության է արժանացել: ՀՅԴ ներկայացուցչի խոսքով` այն 4 ուղղություններով անհրաժեշտ հիմնավորում չունի` տնտեսական, սոցիալական, իրավական և քաղաքական:
«Տնտեսական առումով չկա կոնկրետ վերլուծություն, որը կապահովի տեղական հարկերի այս տեսակների ներմուծման տնտեսական ազդեցությունը և նպատակահարմարությունը: Սոցիալական առումով առանց այդ էլ ճգնաժամը սպառնում է մարդկանց եկամուտների կտրուկ անկմանը, և սա լրացուցիչ բեռ է դառնալու: Իրավական առումով այս նախագիծը չի համապատասխանում ոչ միայն Սահամանդրությանը, այլև իրավական ակտերի մասին օրենքի պահանջներին: Քաղաքական առումով` քանի դեռ չկա սահմանում և կոնկրետ մեխանիզմ, մեզ չեն կարող մեղադրել այն բանում, որ մենք գտնում ենք, որ այս հարկատեսակի կիրառումը կդիտարկվի որպես քաղաքկան գործիք, հատկապես` այն անբարեխիղճ համայքների ղեկավարների համար, ովքեր աչքի են ընկել արջի ծառայություն մատուցելու իրենց ունակություններով»,- ասաց նա:
Ա. Մինասյանի հավաստմամբ` իրենք դեմ չեն համայնքների ֆինանսական կարողությունների հզորացմանը, տեղական ինքնակառավարման մարմինների զարգացմանը. «Բայց մենք դեմ ենք, երբ չմշակված, չվերլուծված առաջարկներ են արվում, և փորձում են դրանք ներկայացնել այնպես, կարծես թե երկրի փրկությունը այս հարկային փաթեթի մեջ է»,- ասաց նա:
Ի պատասխան` Վ. Այվազյանը նշեց, որ Ա. Մինասյանն օրենքը մի քիչ այլ կերպ ներկայացրեց ու մենակաբանեց:
«Մենք ամրագրել ենք մի քանի տեսակի հարկատեսակներ, մասնավորապես` երկու հարկատեսակ: Ու այս օրենսդրական նախաձեռնությունը, որ այսպես աղմուկ բարձրացրեց, զուտ ֆորմալ առումով լուծում է մի շարք խնդիրներ: Ամրագրում են երկու կարևոր հարկատեսակ` հողի հարկը և գույքահարկը, որոնք համայնքային բյուջեի պարտադիր լիազորությունների կատարման ֆինանսակաան աղբյուրներն են»,- ասաց նա:
Ա. Մինասյանի կարծիքով` այս փաթեթով տեղական ինքնակառավարման մարմիններին տրվում է հարկային մարմինների վարչարարական իրավասություն:
«Պետք չէ համայնքի ղեկավարին տալ այնքան լիազորություններ, որ ճկռի դրա տակ ու վերջում տակից դուրս գալու համար սկսի արջի ծառայության քաղաքակնություն վարել, որ հանկարծ չպատժեն իրեն»,- ասաց նա:
Վ. Այվազյանն էլ նշեց, որ այժմ քննադատվում է մի բան, որ որը չկա:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել