Փետրվարի 18-ին, ժամը 17.34-ին տեղեկություն է ստացվել, որ Երեւանի Մաշտոցի պողոտայի թիվ 33/1 կիսակառույց շենքի վերելակի հորանը մարդ է ընկել, եւ անհրաժեշտ է փրկարարների օգնությունը: Դեպքի վայր մեկնած փրկարարները ոստիկանների ներկայությամբ հորանից դուրս են բերել 55-60 տարեկան տղամարդու դի եւ հանձնել շտապօգնության ծառայության աշխատակիցներին: Այս մասին տեղեկացնում է Հայաստանի փրկարար ծառայության մամլո բաժինը: