Երեկ` ժամը 21.00-ին, տեղեկատվություն է ստացվել, որ Սյունիքի մարզում` Գորիս-Կապան միջպետական ավտոճանապարհի 10-րդ կմ-ում տեղի է ունեցել քարաթափում:

ՀՀ ԱԻՆ լրատվական կենտրոնը տեղեկացնում է, որ դեպքի վայր է մեկնած հրշեջ-փրկարարները պարզել են, որ քարաթափման հետևանքով փակվել է ճանապարհի երթևեկելի մասից 5 քմ մակերեսով  հատված և երթևեկությունը դարձել է միակողմանի:

Հրշեջ-փրկարարների և Գորիս քաղաքի «ՕՍՄԱՐ» ՍՊԸ-ի աշխատակիցների համատեղ ուժերով ճանապարհը մաքրվել է և ժամը 21.16-ի դրությամբ դարձել` երթևեկելի: