Ս.թ. մարտի 3-ին` ժամը 17:00-ին, Ֆրանսիայի Լիոն քաղաքում՝ «Եվրանյուզ» հեռուստաընկերության կենտրոնակայանի առջեւ, տեղի է ունենալու է ցույց ի պաշտպանություն ջավախքահայության իրավունքների եւ ջավախքահայ քաղաքական գործիչ Վահագն Չախալյանի: Ինչպես տեղեկացնում է «Երկիր» միությունը, ցույցի մասնակիցները բողոքելու են ջավախքահայության նկատմամբ վրացական իշխանությունների խտրական քաղաքականության, Վահագն Չախալյանի պաշտպանության իրավունքի խախտման, Վրաստանում Հայ Առաքելական եկեղեցու գրանցման եւ բռնագրավված եկեղեցիների վերադարձման իրավունքների ոտնահարման դեմ: Ցույցի կազմակերպիչն է «Ֆրանսիա-Ջավախք» ոչ կառավարական կազմակերպությունը: