Այս պահին ՀՀ պետական եկամուտների կոմիտեի շենքից տարհանել են բոլոր աշխատակիցներին: Ինչպես «Հետքին» տեղեկացրեց ՊԵԿ-ի աշխատակիցներից մեկը` ահազանգ է ստացվել, որ շենքում ինչ-որ բան է տեղադրված: Ոստիկանության աշխատակիցները շրջափակել են տարածքը, հետախուզչական ու փնտրողական աշխատանքներ են իրականցում շներով: Ոստիկանության հասարակայնության հետ կապերի վարչությունից կատարվածի մասին տեղեկատվություն չկարողացանք ճշտել, քանի որ Արմեն Մալխասյանը տեղում չէր, իսկ հեռախոսին պատասխանող աշխատակիցն ասաց, որ միայն նա կարող է տեղեկություններ տրամադրել: Մաքսային պետական կոմիտեի նույն բաժինը հեռախոսազանգերի չի պատասխանում: