Նախագահ Սերժ Սարգսյանը հրամանագիր է ստորագրել մայրենի լեզվի օրվա առթիվ, հայ ինքնության պահպանման և գաղթօջախներում հայոց լեզվի զարգացման գործում ներդրած նշանակալի ավանդի համար Բեյրութի «Հայկազյան» համալսարանի դասախոս Կարո Առաքելյանին (Լիբանան), հայոց լեզվի և գրականության ուսուցչուհի Ռոզա Զոհրաբյանին (Վրաստան), գրող, լեզվաբան Պետրոս Հաճյանին (Արգենտինա), հայոց լեզվի և գրականության ուսուցիչ Կարապետ Ճուհարյանին (Սիրիա), Թեհրանի ազատ համալսարանի հայագիտական ամբիոնի դասախոս Նորիկ Միքայելյանին (Իրան) Մովսես Խորենացու մեդալով պարգևատրելու մասին: Այս մասին տեղեկացնում է նախագահի մամլո գրասենյակը: