Իրավապահները պարզել են, որ 1964 թ. ծնված Սամվել Ստեփանյանը 2008 թ. սեպտեմբերին ծանոթացել է 1952 թ. ծնված Ռոբերտ Ա.-ի հետ և տեղեկանալով, որ վերջինս ցանկանում է որևէ պաշտոն զբաղեցնել, պատրաստ լինելով դրա համար վճարել որոշակի գումար, առաջարկել է մարզերից մեկի ջրային տնտեսության պետի պաշտոնում վերջինիս տեղավորել աշխատանքի: Սամվել Ստեփանյանն այդ նպատակով պահանջել է 25 հազար ԱՄՆ դոլար` իբր որոշ պաշտոնատար անձանց կաշառք տալու համար: 2008 թ. հոկտեմբերին Ռոբերտ Ա.-ից ստանալով պահանջված գումարից 16 հազար 500 ԱՄՆ դոլարը` Սամվել Ստեփանյանը հափշտակել է այն ու հեռացել Հայաստանից: «Փաստի առթիվ նախապատրաստվել են նյութեր, կատարվում է քննություն»,- տեղեկացնում է ոստիկանության լրատվության վարչությունը: