Ըստ Ոստիկանության օպերատիվ հաղորդագրությունների ամփոփագրերի՝ փետրվարի 1-ից 26-ն ընկած ժամանակահատվածում հանրապետությունում գրանցվել է անձնական ունեցվածքի գողության 240 դեպք, բացահայտվել է 161-ը։ Բացահայտվել է նաեւ նախկինում կատարված նմանատիպ հանցագործության 18 դեպք։ Նույն ժամանակահատվածում արձանագրվել է պետական, հասարակական ունեցվածքի գողության 45 դեպք, բացահայտվել է 24-ը։ Բացահայտվել է նաեւ նախկինում կատարված նմանատիպ հանցագործության մեկ դեպք։ Արձանագրված 108 բնակարանային գողությունից բացահայտվել է 42-ը, իսկ նախկինում կատարված բնակարանային գողություններից 5-ը: