Երեկ Սանկտ-Պետերբուրգի Սբ. Կատարինա հայ առաքելական եկեղեցու բակում հավաքվել են հարյուրավոր հայեր` նշելու Սումգայիթի ողբերգական իրադարձությունների տարելիցը: Առավոտյան եկեղեցում մատուցվել է զոհերի հիշատակի պատարագ:

Միջոցառմանը մասնակցել են Սանկտ-Պետերբուրգում Հայաստանի գլխավոր հյուպատոս Վարդան Հակոբյանը, հյուպատոսության աշխատակիցները, Սանկտ-Պետերբուրգի բարձրագույն զինվորական ուսումնական հաստատություններում սովորող հայ սպաներ եւ ունկնդիրներ, հայ համայնքի ներկայացուցիչներ: Պատարագի ավարտին եկեղեցու բակում սումգայիթյան ողբերգությունը դատապարտող ելույթներ են ունեցել Սանկտ-Պետերբուրգի եւ Հյուսիս-արեւմտյան տարածաշրջանի հայ համայնքի հոգեւոր հովիվ Նշան Պետրոսյանը եւ հյուպատոս Վարդան Հակոբյանը: Տեղեկացնում է ՀՀ արտագին գործերի նախարարության մամուլի, տեղեկատվության եւ հասարակայնության հետ կապի վարչությունը