Տեսանյութեր
Լուսանկարներ
Փոխվարչապետն ընդունեց «Արտոկ գրուպ» միջազգային ներդրումային ընկերության նախագահին
ՀՀ փոխվարչապետ, տարածքային կառավարման նախարար Արմեն Գեւորգյանն այսօր ընդունեց «Արտոկ գրուպ» միջազգային ներդրումային ընկերության (Եգիպտոս) նախագահ Մոհամադ Շաֆիկ Գաբրին: Հանդիպմաը ներկա էր նաեւ էկոնոմիկայի նախարար Ներսես Երիցյանը:
Տարածքային կառավարման նախարարության հասարակայնության հետ կապերի բաժնի տարածած հաղորդագրության համաձայնԱ. Գեւորգյանը ողջունեց հյուրերին Հայաստան այցելելու կապակցությամբ եւ կարեւորեց ընկերության կողմից Հայաստանում ներդրումային տարբեր ծրագրեր իրականացնելու հնարավորությունների քննարկումը: Որպես հայ-եգիպտական միջկառավարական հանձնաժողովի նախագահ` Ա. Գեւորգյանն ընկերության հետ հնարավոր գործակցությունը համարեց հայ-եգիպտական բարեկամական հարաբերությունների ամրապնդմանն ուղղված եւս մեկ քայլ:
Մ. Գաբրը նշեց, որ ընկերության ներկայացուցիչները մի քանի տարի առաջ եղել են Հայաստանում, ծանոթացել ներդրումային հնարավորություններին եւ ընդգծեց, որ տպավորված են վերջին տարիներին տնտեսական ոլորտում Հայաստանի արձանագրած զարգացումներով:
«Արտոկ գրուպ»-ի նախագահն անդրադարձավ նաեւ Կահիրեի արվարձաններից մեկում հաջողությամբ իրագործված «Smart Village» քաղաքի գաղափարը Երեւանում առավել փոքր մասշտաբով իրականացնելու հնարավորությանը: Մ. Գաբրը նշեց, որ ընկերությունը հետաքրքրված է նաեւ Գյումրիում տեխնոպարկի ստեղծման գաղափարով:
Փոխվարչապետը հյուրերի խնդրանքով ներկայացրեց Երեւանի քաղաքաշինական ծրագրերը: «Արտոկ գրուպ»-ի նախագահն իր պատրաստակամությունը հայտնեց համագործակցել շինարարական կազմակերպությունների հետ` Երեւանում կիսակառույց շինություններն ավարտին հասցնելու եւ համատեղ նոր ծրագրեր իրականացնելու հարցում:
Ա. Գեւորգյանը տեղեկացրեց, որ ՀՀ կառավարությունը խրախուսում է արտասահմանյան ներդրումային ծրագրերը եւ պատրաստակամություն հայտնեց աջակցել դրանց իրագործմանը` ընդգծելով Հայաստանում նմանատիպ ծրագրերի հաջող ընթացքը:
Փոխվարչապետի խոսքով` հանրապետության ղեկավարությունը եւ քաղաքային իշխանությունները պատրաստ են լիարժեք քաղաքական աջակցություն ցուցաբերելու նոր քաղաքաշինական ծրագրերի իրականացմանը` համապատասխան ֆինանսական ռեսուրսների առկայության պարագայում: Նա նշեց, որ հայկական կողմը հետաքրքրված է նաեւ զբոսաշրջության ոլորտին վերաբերող նախագծերով:
Պայմանավորվածություն ձեռք բերվեց, որ ընկերության մասնագետները մի քանի օր կանցկացնեն Երեւանում` առավել մանրամասն ծանոթանալու ՀՀ կառավարության եւ մասնավոր հատվածի կողմից շինարարության ոլորտում իրականացվող ծրագրերին եւ համագործակցության հնարավորություններին:
Փոխվարչապետը հյուրերին առաջարկեց հաջորդ այցի ընթացքում լինել նաեւ մարզերում` երկրի հնարավորություններին ավելի լավ ծանոթանալու համար:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել