Սպասում են Փաշինյանի պաշտպաններին
Վերաքնիչ քրեական դատարանում այսօր սկսվեց «Հայկական ժամանակ» օրաթերթի գլխավոր խմբագիր Նիկոլ Փաշինյանի վերաքննիչ բողոքի քննությունը: Այն 15 րոպե-ով անմիջապես ընդմիջվեց, քանի որ Նիկոլ Փաշինյանի պաշտպաններ Լուսինե Սահակյանն ու Երվանդ Վարոսյանը նիստի քարտուղարին տեղեկացրել էին, որ իրենք 15 րոպե կուշանան:
Փաշինյանը գալով դատարան ներկաներին շնորհավորեց երկու օր առաջ կայացած հանրահավաքի կայանալու կապակցությամբ: Բողոքի քննությանը հետևելու են եկել նաև նաև թիվ 10 ընտրատարածքում պատգամավորի նախկին թեկնածու Հմայակ Հովհաննիսյանը, Մյասնիկ Մալխասյանը և այլ համախոհներ: Նշենք, որ եթե ընդհանուր իրավասության դատարանում կայացած դատական նիստերը Շենգավիթ համայնքի ապակեպատ դահլիճում էր տեղի ունենում, որտեղ դատավարության մասնակիցները առանձնացված էին դահլիճից, ապա այսօր Վերաքննիչ քրեական դատարանում նման սահմանազատում չկա:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել