ԱՄՆ Կոնգրեսի Ներկայացուցիչների պալատի Արտաքին հարաբերությունների հանձնաժողովում այսօր Երևանի ժամանակով 23:15 սկսվել էր Հայոց ցեղասպանությունը ճանաչող թիվ 252 բանաձևի քվեարկությունը: Շուրջ մեկ ժամ և 30 րոպե տևած քվեարկությունից հետո 23 կողմ, 22 դեմ ձայնով բանաձևն ընդունվեց: Դեմ քվեարկողների մեծ մասը հղում էր կատարում հայ-թուրքական նախաստորագրված արձանագրություններին` նշելով, որ պետք չէ խոչընդոտել դրանց վավերացման գործընթացին: