«Հայաստան» համահայկական հիմնադրամի ֆրանսիայի տեղական մարմնի ատենապետ Պետրոս Թերզյանը եւ Հոգաբարձուների Խորհրդի վերստուգիչ հանձնաժողովի անդամ Վահէ Ճազմատարեանը Նորին սրբություն Բենեդիկտ XVI Պապի անունից պարգեւարվել են Սուրբ Գրիգոր Մեծի շքանշանով: 1931 թ.-ին Գրիգոր XVI-ի կողմից հիմնված այս պատվավոր շքանշանին Հիմնադրամի հոգաբարձուներն արժանացել են հայրենիքում իրականացրած մարդասիրական գործունեության համար: Պարգեւը շնորհվել է սբ. Գրիգոր Մեծի Հայ կաթողիկե եկեղեցու կաթողիկոս-պատրիարք Ամենապատիվ երերջանիկ Տեր Ներսես Պետրոս ԺԹ Թարմունու կողմից փետրվարի 28-ին: Հիմնադրամի մամլո ծառայության փոխանցմամբ` արարողությունը տեղի է ունեցել Հռոմի հայկական կաթոլիկ միաբանությունում` կիրակնօրյա պատարագից հետո: Հանդիսավոր արարողությանը ներկա են եղել տարբեր երկրներից ժամանած բարձրաստիճան հյուրեր, այդ թվում` Իտալիայում Հայաստանի արտակարգ եւ լիազոր դեսպան Ռուբեն Կարապետյանը, կաթոլիկ եպիսկոպոսներ: