![l-zurabyan_23.02.10](https://hetq.am/wp-content/uploads/2010/03/l-zurabyan_23.02.10.jpg)
Հայ ազգային կոնգրեսի համակարգող Լեւոն Զուրաբյանը վստահ է, որ Հայոց ցեղասպանությունը ճանաչող թիվ 252 բանաձևը չի ընդունվի ԱՄՆ Կոնգրեսի կողմից, թեեւ այն երեկ ընդունվել է Կոնգրեսի Ներկայացուցիչների պալատի Արտաքին հարաբերությունների հանձնաժողովի կողմից: «Բացառում եմ, որ բանաձեւը կընդունվի»:
ՀԱԿ-ի համակարգողը նշեց, որ նախկինում էլ են նման նախադեպեր եղել, սակայն ԱՄՆ Կոնգրեսն այդ բանաձեւն այդպես էլ չի ընդունել:
«Ինչ-որ կատարվել է, արդեն 4 անգամ կատարվել է, դա ընդամենը հանձնաժողովի որոշում է, եւ ամեն անգամ, այնուամենայնիվ այն բանաձեւ չի դարձել: Ոչ մի նոր բան չկա, նորությունն այն է, որ նախկինում ավելի շատ ձայների առավելությամբ էր անցնում, հիմա ընդամենը մեկ ձայնի առավելությամբ անցավ»,- «Հետքի» հետ զրույցում ասաց Լեւոն Զուրաբյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել