Աշխատանքային  այցով Մոսկվայում գտնվող Հայաստանի  արտգործնախարար Էդվարդ Նալբանդյանը նախօրեին հանդիպում է ունեցել իր ռուս գործընկերոջ՝ ՌԴ արտաքին գերատեսչության ղեկավար Սերգեյ Լավրովի հետ, որի ընթացքում տեսակետներ էր փոխանակվել երկկողմ եւ միջազգային օրակարգի մի շարք հարցերի շուրջ: ԱԳՆ մամլո ծառայության փոխանցմամբ` նախարարներ Նալբանդյանը եւ Լավրովը քննարկել են երկու երկրների ղեկավարների միջեւ ձեռք բերված պայմանավորվածությունների իրականացման ընթացքը, հայ-ռուսական դաշնակցային հարաբերությունների հետագա զարգացմանն առնչվող հարցեր: Երկու երկրների արտաքին քաղաքական գերատեսչությունների  ղեկավարները հանգամանորեն անդրադարձել են ԼՂ հիմնախնդրի կարգավորման բանակցային գործընթացին: