Ծնվել է 1961 թ. ապրիլի 1-ին ՀՀ Տավուշի մարզի Արծվաբերդ գյուղում: 1978թ. ավարտել է միջնակարգ դպրոցը: 1978-1979 թթ. աշխատել է «Երևանշին» արտադրական միավորումում որպես բանվոր: 1979-1981 թթ. ծառայել է Խորհրդային բանակում: 1982-1983 թթ. աշխատել է Աբովյանի ջերմատնային տնտեսությունում որպես բանվոր: 1988 թ. գերազանց առաջադիմությամբ ավարտել է Հայկական գյուղատնտեսական ինստիտուտի տնտեսագիտական ‎ֆակուլտետը` ստանալով «Տնտեսագետ-գյուղատնտեսական արտադրության կազմակերպիչ» որակավորում: 1988 թ. մայիս-նոյեմբեր ամիսներին աշխատել է Կոտայքի մարզի Արզնիի խորհրդային տնտեսությունում որպես տնտեսագետ: 1988 թ. նոյեմբերին ընտրվել է Հայկական գյուղատնտեսական ինստիտուտի կոմերիտական կազմակերպության քարտուղար, որտեղ աշխատել է մինչև 1990 թ.: 1991 թվականից դասախոսում է Հայաստանի պետական ագրարային համալսարանի «Ագրոբիզնեսի կառավարում» ամբիոնում, իսկ 2003 թվականից նաև ՀՀ պետական կառավարման ակադեմիայում: 1997-2002 թթ. եղել է Հայաստանի երիտասարդության ազգային խորհրդի նախագահ: 1998-1999 թթ. հանդիսացել է ՀՀ նախագահին առընթեր քաղաքական խորհրդի անդամ: 1999-2002 թթ. ՀՀ Ազգային ժողովի պատգամավոր, պետական-իրավական հարցերի հանձնաժողովի անդամ: 2002 թ. հունվարի 15-ին ՀՀ նախագահի հրամանագրով նշանակվել է ՀՀ քաղաքացիական ծառայության խորհրդի նախագահ` վեց տարի պաշտոնավարման ժամկետով, իսկ դրա ավարտից հետո 2008 թ. հունվարի 15-ին կրկին անգամ ՀՀ նախագահի հրամանագրով նշանակվել է նույն պաշտոնում ևս վեց տարի լիազորությունների ժամկետով: 2005 թ. պարգևատրվել է Անանիա Շիրակացի մեդալով: 2007 թ. պարգևատրվել է «Անդրանիկ Օզանյան» մեդալով և Ֆրիտյո‎ֆ Նանսենի ոսկյա հուշամեդալով: 2005 թ. ընտրվել է Հայաստանի պետական ագրարային համալսարանի խորհրդի նախագահ: Տնտեսագիտության թեկնածու է, դոցենտ: Ամուսնացած է, ունի երեք դուստր: Անկուսակցական է: