Անցյալ տարի Հայաստանի Հանրապետությունում արձանագրվել է տնտեսական գործունեության դեմ ուղղված 696 հանցագործություն. այդ թվում` ապօրինի կամ կեղծ ձեռնարկատիրությամբ զբաղվելու 88, կեղծ փողեր կամ արժեթղթեր պատրաստելու, պահելու կամ իրացնելու 136, հարկերի, տուրքերի վճարումից խուսափելու 159, ակցիզային դրոշմանիշերի ապօրինի շրջանառության 12, մաքսանենգության 72 եւ տնտեսական գործունեության դեմ ուղղված հանցագործությունների այլ դեպքեր: Այս մասին հայտնում է ոստիկանության լրատվության վարչությունը: